O anúncio da reforma constitucional e a situaçom política criada ca
suspensom do Estatuto catalão, dam segurança de que num prazo nom mui afastado
terá que prantear-se diante do país a questom das autonomias regionais. E
ocorre, em singular contraste com outros povos hispânicos, que os partidos políticos
de direitas galegos se mostram hostis ou quando menos cheios de receios quando
se trata de pedir para Galiza o mesmo regime de liberdade que se outorgue a
Catalunha e às províncias bascas.
Este feito levou-nos a pensar
na conveniência de que se forme umha agrupaçom adiçada à defesa da autonomia
galega integrada por quantos de ela tenham umha interpretaçom favorável à política
direitista. Eis aqui como nós concebemos o ideário que tem de informar o novo
agrupamento.
GALEGUISMO
Diremos, sem eufemismos, que nom somos singelamente “regionalistas”.
A autonomia que pedimos nom se basa só numha diferenciaçom de condiçons geográficas
que requeira medidas especiais para o desenrolo económico. Defendemo-la como
corolário da diferenciaçom étnica do povo galego que conserva a sua
estabilidade no meio rural. É mester que tenha amplitude de abondo para
estimular a vida dumha cultural particular, e areamos que se nos deixe
estabelecer a jerarquia dos valores sociais e ter um sentido da vida ajeitado ao
processo histórico da nossa cultura.
A esquissam vertical do Estado,
à distribuiçom do poder político entre os grupos profissionais que olham os
problemas desde um ponto predominantemente económico, oponhemos a existência
dos grupos étnicos com compressom do problema total da vida humana, co alicerce
da história, coa exaltaçom dos valores morais e co direito incontrovertível a
reagir com liberdade a sua vida interna dentro das normas gerais, produto também
de outro processo histórico que politicamente culmina e se concreta na
Constituiçom do Estado.
O NOSSO IDIOMA
O idioma dum povo nom é somente o condutor da sua cultura: é também o
seu exponente e um factor da sua criaçom. Conhecer um idioma é assimilar-se o
complexo de ideias e sentimentos que formam a trama dumha cultura. Tem-se dito
que toda língua é um templo que conserva como umha relíquia a alma dos que a
falam. Se queremos manter coa alma de Galiza a nossa própria originalidade
pessoal, temos que defender o seu idioma. Aos filólogos, literatos e poetas,
compre trabalha-lo e desenvolve-lo para que aqueça de cheio as necessidades de
expressom da nossa cultura; mais às organizaçons políticas compete chamar
para Galiza o direito a regular o uso do seu idioma na sua vida interna e a nom
consentir sem protesta que no nosso meio rural, na escola costeada com fundos públicos,
se omita o ensino da língua materna nem se prescinda dela como meio adequado
para a transmissom de conhecimentos às crianças.
RELIGIOSIDADE
O respeito à crença religiosa e à prática do seu culto é postulado
da liberdade individual de consciência, é socialmente um elemento de integraçom
política. Consideramos a defesa dos valores espirituais do nosso povo vinculada
à defesa do espírito cristão que os informa. Sustemos o direito a professar,
praticar e ensinar publicamente a Religiom Católica. Como crentes e como
galegos nom só nos oporemos à discristianizaçom de Galiza, senom que
intentaremos levar à vida intelectual e à vida legislativa soluçons cristãs.
Exaltando o valor da jerarquia eclesiástica na vida do nosso povo, nom duvidaríamos
em destinar fundos públicos, quando a Constituiçom do Estado o permita, a
melhorar as instituiçons formadoras do clero, para que poda de cheio cumprir a
sua missom moralizadora e evangélica.
NEM MARXISMO NEM
FASCISMO: DEMOCRACIA
O marxismo que se baseia na interpretaçom materialista da história e na
luita de classes, e aspira a degeneraçom das culturas num internacionalismo com
idioma único e cultura proletária única, é incompatível co nosso conceito
do galeguismo que afirma a preponderáncia dos factores morais no processo histórico
dos povos e o desenvolvimento paralelo e progressivo das diversas culturas que
se integram sem se destruir. Galeguismo e marxismo som para nós irreconciliáveis.
Ainda sem esta oposiçom
doutrinal, Galiza nom oferece as condiçons que umha política marxista esixe
porque aqui o processo histórico caminhou no senso inverso à concentraçom
capitalista, e porque o marxismo nas suas experiências históricas tem-se
mostrado como inimigo do pequeno proprietário rural, classe que constitui o
nervo da vida social galega.
A concepçom cristã do homem,
o respeito à sua personalidade moral e o cumprimento dos fins individuais, a
subordinaçom da organizaçom política à liberdade, ponhem-se a concepçom do
Estado fascista que absorve o cidadão e desconhece os seus direitos naturais.
Nem marxismo nem fascismo; nem
ditadura proletária, nem ditadura burguesa. Democracia política como expressom
ajeitada a um estado social de respeito à personalidade humana, ao senso da
responsabilidade individual, a actividade criadora perante a qual cada homem
poda talhar diariamente e em cada hora o senso da sua vida, a sentir a alegria
do trabalho.
Refugamos a violência como táctica
política. Nom queremos para os nossos moços o destino de serem vítimas os
assassinos; desejamos enche-los de desapreço à dinamita e à pistola como
meios de acçom política: nem punhos pechados nem braços em outo: a testa
ergueita, cheia de ideias generosas mais fortes que a pólvora para destruir as
formas revelhidas e com força de criaçom de abondo para alumiar novas normas
de convivência social que aportem melhoras positivas ao bem-estar.
NEM SOCIALISMO NEM
CAPITALISMO: COOPERATIVISMO
Pode-se conceber umha socializaçom sem marxismo, singelamente pola
organizaçom sucessiva e crescedeira de serviços públicos para satisfazer
necessidades humanas antes atendidas em regime de empresa privada. Sem que cada
avance particular contradiga a nossa doutrina, o ritmo tem que ajustar-se de tal
jeito que nom se crebe o equilíbrio ante o volume do serviço público e o da
empresa privada e continue colectivamente a economia desenvolvendo-se
principalmente baixo o estímulo da iniciativa individual.
Opomo-nos de igual jeito à
tendência capitalista a concentrar a direcçom financeira em poucas maus
permitindo exercer pressons eficazes sobre o trabalho ou o pequeno produtor até
conseguir a sua destruiçom económica. Sobre este capitalismo baseia-se a
injustiça anticristã da vida económica do nosso tempo.
Nem capitalismo nem socialismo:
democracia de pequenos proprietários e de produtores organizados
cooperativamente que tenham da actividade económica um conceito subordinado ao
senso moral dos fins humanos.
PROBLEMA ECONÓMICO
Nom é deste lugar fazer umha exaltaçom da transformaçom que o
cooperativismo podia tentar na vida de Galiza ou catalogar os problemas económicos
do nosso povo. Abonda afirmar que a nossa estrutura social descansa na organizaçom
rural e marinheira. A primeira preocupaçom do nosso agrupamento será em tudo
instante atender aos fundamentos da vida económica do nosso povo.
INTEGRAÇOM AUTONÓMICA
Interpretamos a autonomia, consagrada num estatuto com garantias
constitucionais como o direito a organizar a regularmente determinados serviços
que afectam à vida interna dum povo e a estimular o processo da sua cultura própria
sem merma da soberania do Estado a quem se reconheze a faculdade de definir as
atribuiçons políticas dos grupos sociais que o integram. Nom permitiremos pois
que se nos alcume de separatistas tendo umha posiçom totalmente nítida.
A doutrina autonomista nom
esgota a sua fecundidade na organizaçom política da “regiom autónoma”,
tem de chegar à vida municipal, o município tem de cheio o direito a reagir a
sua vida económica e a actividade e actividade política sem mais controlo que
o judicial, para a defesa dos direitos dos particulares, e o cidadam pola
organizaçom do sufrágio e da intervençom na vida publica. É mester borrar o
conceito de obrigaçons mínimas que se tem consignado na nossa legislaçom para
submete-lo a unha escravitude que acabou ca estrutura dos núcleos rurais, coa
sua liberdade e case coa sua existência, reduzindo o concelho a um organismo de
mera recaudaçom e de execuçom dos serviços que o Estado lhe ordena.
REPUBLICANISMO
Acatamos e defendemos o regime republicano do Estado espanhol. A
humanidade vive horas em que o debater universal do problema económico, toda
revoluçom, ainda as de propósitos meramente políticos, tem consequências de
transcendência social. Por isso condenamos como umha temeridade a dos que
tentam um novo período revolucionário em nome da monarquia, pondo em perigo a
civilizaçom ocidental e cristã. umha monarquia sustenta-se do prestigio histórico
e quando nom acerta a conserva-lo e é substituída por umha democracia
republicana nom cave tentar restaura-la.
CONVIVÊNCIA NA
GALEGUIDADE
Animamos o espirito da mais amplia compreensom para conviver com todo-los
partidos galegos e cos seus dirigentes, A oposiçom doutrinal nom nos fará
perder o respeito aos seus homes, desejando a todos, mesmo os adversários, o máximo
acerto na eleiçom dos seus dirigentes, porque na duas hora levaram a representaçom
de Galiza.
Umha referência especial ao
Partido Galeguista. Coincidências fundamentais de ordem ideológico, afectos
particulares para os seus afiliados, asseguram nom somente a cordialidade de
hoje, senom a formaçom dum só frente sempre que seja preciso actuar na defesa
da nossa Terra.
Ponte-Vedra
25 de Maio do 1935
José
García Vidal – José Lino Sánchez – Darío Caramés – José Filgueira
Valverde
– José
Sesto López – José Martinez Tiscar
Quantos
se topem conformes co conveniência de organizar um agrupamento político de
direita galeguista, faram chegar a sua adesom a D.J.Lino, Oliva 4, baixo. –
Ponte-Vedra, antes do 15 de Junho.
