Introduxion
Ola caro amigo Veneto. Se te vuli prontar un logo tuo tea Internet, te ghè petà tel posto giusto. Kuà te insegnarò a far una pagina semplice pala Internet, te insegnarò a meterla par aria, e anca te insegnarò come far pala gente rivar tea to pagina.
Ma vanti ke scominsiemo a inparar, ghen vol saverghene parkè e come far una pagina. Parkè? Parkè volemo meter un kalke informaxion par aria, par altra gente veder e far calcosa con sta informaxion. I pol vegner ciacolar con ti, i pol inparar kualke laoro, o i pol rider ke kuel ke te ghè scrivesto :) Come farla? Ghenè tante maniere, te insegnarò una ben semplice, ma ke te asa verghene un controlo total sora la to pagina, e garantiso ke la vegnarà fora bela in tuti i computadori dee persone ke le vopia vederla ;)
Cosa meter tea pagina?
La prima roba ke te ghè de pensar vanti meter una pagina tea Internet, lè: "Cosa ghen metarò sù?"
Tanta gente i fà pagine, ma pagine con robe ke noe interesa a gnensun, con poci ke i serve par gnente. Tanta gente i fà na pagina par parlar de luri propii, o dee so idee mate. Pensemo insieme: "Cosa se gà da meter ten una pagina?"
Se ocor meter tea nostra pagina, robe ke le persone le piaxa, nè tute le persone le piaxe dee medexime robe. Ricordate ke:
Kuel ke te meti tea pagina lè pai altri veder, nò par ti. E se noantri volemo far una pagina in Veneto, ghemo da meter sù robe ke ghe piaxa ai Veneti, ndemo intexi?
E cosa ghe piaxelo i Veneti? I ghe piaxe de: proverbi, magnar, bever, storia, frotole, bale, soldi, auti, novitie, ... Robe ke tuti i piaxe. Ma volemo far na pagina par tuti i Veneti? Sicuro de nò, volemo far na pagina sora na roba specifega, volemo far una pagina pa un poki de Veneti speciai, ke i gapia l medeximo interese de noantri. Pagine con bale, frotole, storia, se cata par tuti i cantoni, ma noantri volemo far na roba difarente, volemo parlar in Veneto de una roba ke nò tanta gente parla. Non vui dir ke non te poli meter i poci ke tuti i mete, ma vui dirte ke lè inportante ke te fai na roba TUA. Na novità, capisi?
Alora vanti ke te te meti a far to pagina, pensa in una roba ke pol far to pagina famoxa. Ke la gente i diga: "Dove xè la pagina de Paolin? I me gà contà ke ghenè roba bela de vardar là."
Come un exempio, la me pagina gà scominsià a eser cognosua kuando gò fato la Fonte Venetica. No la xè una roba par tanta gente, ma par kuei ke smisia sù par computadori, lè un aiuto par scriver in Venetico, e anca par adornar altri loghi tea Internet col alfabeto dei nostri Antighi :)
In ten kuesto manual, parlaremo sora "come far una bela pagina". L to logo tea Internet, te lo fè come te voli :) Fermete un per de menuti par pensar sora, e dopo ndemo avanti.
Cosa gò da saver?
Ben, par meter una pagina tea Internet lè semplice, dopo ke tea ghè inparada. Ma prima, te ocor saver un per de robe: scriver testi tel Word, smisiar ten arkivi, saver far dixegni, far sonar arkivi de muxica, smisiar tel WinZip, e ver un pò de noxion sora cosa sia bel e bruto. Se anca no te si un artista, ma la giutaria tanto. Volemo ke le persone le piaxa dea nostra pagina, alora la faremo bela :) Se no te sè mia smisiar sù par tute ste robe, domandè a kualkedun par insegnarte :)
Kosa mi te insegnarò: prontar i arkivi de testo, far fegure, e meter tuto par aria in kalkeposto.
I programi ke dopararemo.
Par far sù l nostro logo, se ocor un per de programeti, ke i gò metui tuti ten un arkivo del WinZip, insieme col manual disponibile in trè posti:
fai_to_pagina.zip -
fai_to_pagina.zip -
fai_to_pagina.zip
Scarga dò sto arkivo
fai_to_pagina.zip, verdelo in kalkeposto, e struca due olte sù
index.html. Alora l manual se verdarà fora, e te polarè scominsiar a inparar :)
Bon laoro!
